Kevin De Bruyne është padyshim një ndër mesfushorët më të mirë në botë. Guardiola e ka cilësuar si lojtarin më të mirë që ka stërvitur ndonjëherë, pas Lionel Messit. Manchester City po kërkon të largojë interesimin saudit nga Kevin de Bruyne. “Mirror“ raporton se klubi anglez është gati të vazhdojë kontratën e mesfushorit belg. Gjiganti anglez kryesisht dëshiron të ofrojë një zgjatje për një vit, që do të thotë se kontrata e re do të zgjatej deri në verën e vitit 2026. De Bruyne fiton 400,000 euro në javë në City – e cila, megjithatë, nuk është aspak afër asaj që thuhet se i ofrohet nga Arabia Saudite. Një propozim për kontratë saudite pritet të jetë pak më shumë se 1 milion euro në javë. Al-Hilal, Al Nassr, Al Ahli, Al-Ittihad dhe Al Qadsiah janë të gjithë të interesuar për 32-vjeçarin.

Kthimi i Kevin De Bruyne nga lëndimi i ka dhënë një shtysë të konsiderueshme shpresave të Man City për ta mbrojtur titullin e kampionit në kampionatin anglez Megjithatë, interesim për mesfushorin belg është shfaqur nga klubet arabe, ku Al Nassr dhe Al-Hilal janë të gatshme ta mbulojnë me para De Bruynen. Dy skuadrat e mëdha arabe janë të etura të nënshkruajnë me De Bruynen dhe t’i ofrojnë atij pagën më të mirë që ka pasur në karrierën e tij. Te City duan t’i vazhdojnë kontratën yllit të skuadrës, por nëse ai nuk pranon atëherë ata i kanë caktuar një çmim të largimit. Ndërsa Guardiola dhe City janë të etur për të mbajtur De Bruyne, ata kanë vendosur një çmim të lartë prej të paktën 100 milionë funteve nëse ndonjë klub dëshiron të sigurojë shërbimet e tij. Mbetet për t’u parë nëse oferta e klubeve të Lindjes së Mesme është mjaft joshëse për të joshur De Bruyne të largohet nga kampioni në fuqi i Evropës