Vazhdon protesta e opozitës në Kuvend. Në sallën e seancave plenare, deputetë demokratë janë vendosur në pjesën e foltores dhe mbajnë pankarta me mbishkrime kundër qeverisë në shqip e anglisht:

“Na duhet qeveri, jo kartel”, “Vrasës i pluralizmit”, “Gjykatat e Shqipërisë, apo gjykatat e Ramës”, “Edhe Rama, në burg si McGonigal”, “Na ktheni atë që është e jona!”.

Nuk ka dallim nga seancat e kaluara. Për shkak të bllokimit e pamundësisë për të zhvilluar punimet mes zhurmuesve, kryeparlamentarja Lindita Nikolla vendosi miratimin e projektligjeve duke i hedhur për votim pa iu nënshtuar diskutimeve. Edhe sot, punimet e Kuvendit do të zhvillohen në pak minuta.