Së fundmi është arrestuar ish-ylli i NBA-së, Rajon Rondo për posedim të paligjshëm të armëve të zjarrit dhe të drogës. Gazetari i njohur i NBA-së, Adrian Wojnarowski dha lajmin mbi arrestimin e Rondos. Një zëdhënës i policisë tha:

Ai u ndalua për shkelje të trafikut dhe oficeri ndjeu erë kanabisi, gjë që çoi në kontrollin e makinës në të cilën u gjet një armë, kanabis për përdorim personal dhe mjete droge.

Rondo u dërgua në burg, pas së cilës ai menjëherë kërkoi lirim me kusht. Në një karrierë të pasur në NBA që zgjati 16 vjet, Rondo luajti për Boston, Dallas, Sacramento, Chicago, New Orleans, Los Angeles Lakers, Atlanta, LA Clippers dhe Cleveland, ku angazhimi i tij i fundit në NBA ishte në vitin 2022.

Ai ishte dy herë kampion i NBA-së, mori pjesë katër herë në ndeshjen All-Star dhe mori çmime të shumta individuale si asistuesi më i mirë, vjedhësi i topave, anëtar i pesëshes mbrojtëse dhe disa tjera. Rikujtojmë se në vitin 2022 gruaja e tij e denoncoi pasi ai e kërcënoi se do ta vriste.