Fatkeqësisht ka ndërruar jetë në moshën 76-vjeçare aktori amerikan Carl Weathers. Weathers, i cili luajti rolin e Apollo Creed në katër filmat e parë të Rocky, vdiq i qetë në gjumë, sipas një deklarate nga familja e tij. Filma të tjerë të rëndësishëm të tij kanë qenë Predator, me Arnold Schwarzenegger dhe Happy Gilmore i Adam Sandler. Nëpërmjet kontributit të tij në film, televizion, art dhe sport, i ndjeri ka lënë gjurmë të pashlyeshme dhe njihet në mbarë botën.

Aktori luajti në aksion dhe komedi, në paraqitjet që varionin nga Arrested Development tek The Mandalorian, ku ai u shfaq në të tre sezonet e serialit hit Disney+. I lindur në vitin 1948 në New Orleans, Weathers filloi karrierën e tij duke luajtur futboll në Universitetin Shtetëror të San Diegos, ku studioi aktrim teatrale, përpara se të bashkohej me Oakland Raiders në 1970.

Gjatë karrierës së tij mbi 50-vjeçare në Hollywood, ai u shfaq në më shumë se 75 filma dhe shfaqje televizive. Në vitin 2021 ai u nominua për një Emmy për rolin e tij në The Mandalorian. Ai drejtoi dy episode të serialit Star Wars, si dhe episodet e Law & Order dhe Chicago Med Ai ishte gjithashtu i njohur për Action Jackson, Close Encounters of the Third Kind, Eight Crazy Nights, Little Nicky dhe ekskluzivitetin Toy Story.