Olta Gixhari konfirmon gjininë e fëmijës së dytë: “Iu plotësua dëshira Amarit…”
Ditën e djeshme, protagonistja e filmit “Në Kuadër të Dashurisë”, Olta Gixhari ka organizuar festën e “gender reveal”, në të cilën është zbuluar gjinia e fëmijës, ku të pranishëm kanë qenë familjarët, bashkëpunëtorët dhe miqtë e ngushtë të Gixharit. Aktorja ka publikuar disa fotografi në profilin e saj të Instagramit, ku shihet më e bukur se kurrë, me barkun e rrumbullakosur ndërkohë që veshur mban një fustan të kuq.
Në një video, të ndarë me 454 mijë ndjekësit e saj, Olta ka konfirmuar për herë të parë se është në pritje të një djali, duke u plotësuar kështu dëshira e Amarit. Ajo u shpeh falënderuese ndaj Zotit për gjënë më të shtrenjtë që ka, familjen. Bashkangjitur postimit ajo shkruan:
Ju plotësua dëshira Amarit. Faleminderit Zot për gjënë më të shtrenjtë që më ke dhënë, Familjen.
Më tej aktorja shton:
Faleminderit të gjithë miqve të zemrës, të cilët e bënë këtë ditë akoma edhe më speciale. Faleminderit edhe bashkëpunëtorëve që u bashkuan për të festuar me mua në këtë datë.
Kujtojmë se Olta Gixhari konfirmoi ekskluzivisht për “Dancing With the Stars” lajmin se ishte në një pritje të ëmbël. Në finalen e madhe programit më popullor të kërcimit, aktorja u shpreh:
Jam në pritje të ëmbël. Është folur shumë për këtë, por ku ka më mirë sesa tani dhe sot ta thuash këtë dhe të kesh një kujtim të bukur.