Këngëtarja e njohur Ariana Grande ka bashkëpunuar me Mariah Carey-n për atë që ajo e quan “bashkëpunimin e saj të ëndrrave”. Projekti i ri i këngëtares 31-vjeçare vjen përpara publikimit të albumit të saj “Eternal Sunshine” në mars. Ariana hyri në llogarinë e saj në Instagram dhe ndau se do të publikojë një remix të këngës së saj kryesore “Yes, And?” nga albumi i ardhshëm, me Mariah-n. “Nuk mund t’i besoj fjalët që po shkruaj… “Remix me të vetmen, mbretëreshën e zemrës sime dhe frymëzimin e përjetshëm @mariahcarey del këtë të premte!”-shkroi ajo.

Duke përshëndetur legjendën 54-vjeçare, Ariana shtoi:

Në të vërtetë nuk ka fjalë që të mjaftojnë. Faleminderit nga thellësia e zemrës sime për realizimin e kësaj ëndrre dhe që dhe shkëlqimin dhe magjinë tënde në këngën time. Kjo do të thotë më shumë për mua sesa mund të artikuloj ndonjëherë. Nuk mund të pres që të gjithë ta dëgjojnë këtë! Të dua përjetësisht.

 

View this post on Instagram

 

A post shared by Ariana Grande (@arianagrande)

Hiti i përjetshëm i Mariah Carey-t, ‘All I Want for Christmas Is You’, ka arritur një sukses të jashtëzakonshëm, duke siguruar pozicionin e saj në krye të tabelës Hot 100 të Billboard për plot 14 javë mbresëlënëse. Kjo arritje është një gur themeli për statusin e Carey-t si artistja me numrin më të madh të hyrjeve nr.1 në historinë e listave të revistës muzikore amerikane.

“All I Want for Christmas” është tani kënga e tretë e Carey që dominon Hot 100 për të paktën 14 javë, duke e veçuar atë si artisten e parë që ka shënuar këtë arritje të jashtëzakonshme. Pavarësisht se humbi për pak kohë vendin e parë për shkak të “Rockin’ Around the Christmas Tree” të Brenda Lee në dy javët e para të dhjetorit, himni festiv i Carey rimori pozicionin e tij javën e kaluar.