Për shumicën e njerëzve, është e mundur të bëhen shumë gjëra në një afat kohor 24-orës por për disa të tjerë kjo është e pamundur. Përpara një eventi, takimi apo një ngjarjeje tjetër ju thjesht bllokoheni. Sipas terapistes Amy Braun, LCPC, PLLC, kjo gjendje shpesh buron nga ankthi.

Heqja dorë nga të gjitha detyrat tuaja të tjera për t’u fokusuar në pritje është një mënyrë për të ndierë më shumë kontroll mbi rrethanat dhe të jeni më të përgatitur për ngjarjen e ardhshme. Eliminimi i faktorëve të tjerë mund të ndihmojë në lehtësimin e stresit tuaj.

Terapistja Sarah Shapiro thekson ndër të tjera se:

Kjo është një shenjë e mosfunksionimit ekzekutiv. Funksionimi ekzekutiv i referohet mënyrës se si ne i japim përparësi, planifikojmë, organizojmë dhe gjurmojmë aktivitetet dhe përgjegjësitë tona. Dikush që lufton me mosfunksionim ekzekutiv mund të ndihet ‘ngushtë’ kur përpiqet t’i japë përparësi listës së detyrave.

Gideon Javna, një punonjës social klinik dhe terapist, sugjeron praktikimin e disa teknikave të ndërgjegjes:

Për t’u ndierë pak më pak i stresuar ndërsa jeni në ‘gjendjen e pritjes në vend që të mendoni për të ardhmen, përqendrohuni në pesë shqisat tuaja. Çfarë arome ka dhoma? Si duket tavolina? Merrni frymë thellë dhe lidhuni me botën që keni përballë.