Traumat e vogla që shpesh i anashkalojmë, sipas psikologëve mund të jenë shkatërruesit kryesorë të vetëbesimit. Jesus Cabrero, psikoterapist, ka zbuluar për Vogue se traumat në aspektin shkencor gjenerojnë gjendje alarmi, stresi dhe ankthi duke zhvilluar një perceptim të gabuar për realitetin. Në kategorinë e traumave të vogla, janë ngjarjet jo shumë të rënda që përgjithësisht i trajtojmë si diçka normale dhe i justifikojmë.

Këto trauma ndikojnë fshehurazi në mënyrën si ne funksionojmë duke lënë një ndjesi këputjeje emocionale. Një shembull i mikro-traumave është largimi i një personi pa shpjegim (ghosting), “trend“ ky që lidhet me marrëdhëniet romantike toksike. Edhe pse shoqëria e ka normalizuar si sjellje, efekti që ai ka në personalitet dhe realitet është përgjithësisht negativ dhe ndikon në vetëbesim.

Ghosting është një term relativisht i ri që i referohet ndërprerjes së papritur të kontaktit me dikë pa i dhënë atij personi ndonjë paralajmërim ose shpjegim për ta bërë këtë. Siç mund ta shihni, quhet ‘Ghosting’ sepse përfshin dikë që në thelb “zhduket” në ajër sikur të ishte një fantazmë.

Ghosting mund të ndodhë edhe në mediat sociale. Ai përfshin ndërprerjen e të gjitha kontakteve të mediave sociale me një person tjetër pa shpjegim. Personi tjetër mund t’ju heqë apo edhe t’ju bllokojë në të gjitha platformat e mediave sociale. Ata madje mund të shkojnë aq larg sa të çaktivizojnë ose fshijnë llogaritë e tyre sociale për të parandaluar çdo kontakt.

Psikologu Cabrero zbulon se hapi i parë i rëndësishëm është të mos biesh në kurthin e fajit Procesi i shërimit është tërësisht individual dhe i pakrahasueshëm mes individëve të ndryshëm, por qëllimi mbetet i njëjti; vendosja e limiteve të respektit ndaj vetes dhe në raport me të tjerët.