Bari skocez “The Old Forge” ka shpërndarë birrë falas për çdo klient. Sipas Librit të Rekordeve Guinness, është lokali më i largët në kontinentin e Mbretërisë së Bashkuar dhe ju duhet të ecni shumë për të arritur në të. “The Old Forge” ndodhet në fshatin Invera në Gadishullin Knoydart në veriperëndim të Skocisë.

Edhe pse mund të arrihet edhe me varkë nga Mallaig, pronari do t’ju japë një birrë falas vetëm nëse keni ecur deri tek ai. Për të arritur në këtë lokal, duhet të ecësh dy ditë nëpër terrene të egra dhe të largëta që përshkohen nga pragjet e lumenjve dhe bimësia e lartë dhe pjesërisht arrin një ngjitje prej rreth 1000 metrash.

Për të nisur udhëtimin drejt lokalit, duhet të arrini në vendin e Kinloch Hourn, që të çon në një rrugë 35 kilometra të gjatë. Prej andej, një rrugë dredha-dredha dhe me gunga 24 kilometra fillon përmes malësive skoceze. Duhet të përgatiteni për kushte të papritura të motit, erëra të forta dhe shi. Sigurohuni që të merrni me vete një hartë dhe një busull dhe mos shkoni kurrë vetëm në rrugë.