Fatkeqësisht ka ndërruar jetë në moshën 46-vjeçare muzikanti Peter ‘Peetah’ Morgan. Në një deklaratë në rrjetet sociale nga familja e ikonës së zhanrit reggae thuhej:

Me dashuri të sinqertë ju njoftojmë që burri ynë i dashur, babai, djali, vëllai dhe këngëtari kryesor i Morgan Heritage, Peter Anthony Morgan, ka vdekur sot më 25 shkurt. Familja jonë ju falënderon paraprakisht për dashurinë dhe mbështetjen tuaj të madhe dhe ne kërkojmë lutjet tuaja të vazhdueshme ndërsa kalojmë këtë proces. Gjithashtu kërkojmë që ju lutemi të respektoni privatësinë tonë gjatë kësaj kohe.

Shkaku i vdekjes së Peter nuk është konfirmuar ende. Peter, djali i këngëtarit të reggae, Denroy Morgan, themeloi Morgan Heritage në 1994 me vëllezërit e motrat e tij Una, Roy, Nakhamyah dhe Memmalatel. Ata publikuan albumin e tyre debutues, “Miracles” në 1994 dhe vazhduan me këngët duke përfshirë “Faithful”, “Let’s Make Up” dhe “Perfect Love Song”. Në vitin 2016, ata morën çmimin e tyre ‘Grammy’ për albumin më të mirë reggae.