Këngëtari legjendar Freddie Mercury do të rikthehet në skenë, si hologram. Ylli i ndjerë i “Queen” ndërroi jetë në moshën 45-vjeçare në vitin 1991 nga pneumonia bronkiale e shkaktuar nga SIDA. Por ai mund të performojë përsëri si një rekreacion digjital. Kompania që menaxhon katalogun të Freddie ka paraqitur një markë tregtare për emrin e tij në realitetin 3D dhe virtual.

Dokumentet ligjore tregojnë se emri është regjistruar për përvoja 3D virtuale, të shtuara dhe të përziera të realitetit dhe “mjedise virtuale”. Vitin e kaluar, kitaristi i “Queen”, Brian May  tha për podcastin e Graham Norton Radio Show se:

Kemi folur dhe kemi parë, shumë seriozisht, hologramet e Freddie dhe gjëra të tjera. Ne na pëlqen të jemi të gjallë dhe të rrezikshëm, kjo është ajo, ky është theksi ynë. Tani, kur të gjithë ne jemi larguar, unë nuk dua të jem hologram, dua të jem unë.

Ndërsa “Queen” nuk kanë përdorur një hologram të Freddie më parë, ata kanë përdorur pamjet video të tij gjatë performancave të tyre. Brian tha:

Ne kemi pak gjëra me Freddie-n. Nuk e di nëse ju kujtohet, por unë e bëj “Love of My Life” në përgjithësi dhe Freddie vjen dhe bashkohet me mua në fund kur bëjmë shfaqjet tona live. Por nuk është një hologram, është thjesht një lloj teknologjie e metodës së vjetër që na pëlqen.

Së fundmi një piano madhështore që dikur i përkiste Freddie Mercury-t u shit për mbi 2.2 milionë dollarë në një ankand të Sotheby’s. E blerë në vitin 1975 dhe e importuar në Angli nga Japonia, Yamaha G2 u përdor nga këngëtari i Queen për të kompozuar këngën e tij “Bohemian Rhapsody” po atë vit. Dhe jo vetëm piano, rreth 30,000 artikuj në pronësi të Mercury u shitën në ankand për 50.4 milionë dollarë. Së fundmi, është raportuar blerja e rradhës. Dikush ka paguar plot 189,000 dollarë për të zotëruar një mini krehër Tiffany and Co, të cilin këngëtari i Queen-it e përdori për të krehur mustaqet e tij.