Romeo Veshaj ka paralajmëruar se është gati të lërë shtëpinë e Big Brother Vip, i gjendur përballë akuzave se ka ushtruar presion ndaj Heidit.

I ulur në darkën e shtruar nga produksioni pas spektaklit të djeshëm, ai tha se është gati të bëjë valixhet gati duke shprehur habi për kritikat ndaj tij nga ana e opinionistëve dhe drejtuesve të programit.

“Unë po i jap presion kësaj gocës (Heidit). Çfarë po thoni?! Unë jam për të marrë valixhet për të dalë”, deklaroi Romeo.

E pranishme në diskutim ishte edhe Erjola, e cila iu drejtua Romeos duke thënë se ky është vetëm opinioni i tre personave dhe jo të gjithë shqiptarëeve që ndjek këtë program.

Po ashtu edhe vetë Heidi tha se në asnjë moment nuk ka qenë nën presion, por gjithçka ka qenë një diskutim normal mes një çifti që po njihen me njëri tjetrin.