Ka ndërruar jetë në moshën 64-vjeçare aktorja Robyn Bernard, e njohur më së shumti për rolin e saj në “General Hospital”. E ndjera u gjet e vdekur në një fushë prapa një biznesi në San Jacinto, Kaliforni. Policia zbuloi trupin e aktores në një fushë të hapur pas një biznesi në San Jacinto, Kaliforni, sipas një njoftimi për shtyp të Zyrës së Sherifit të Qarkut Riverside.

Ajo u shpall e vdekur në orën 4:08 të mëngjesit me orën lokale. Shkaku i vdekjes ende nuk është përcaktuar dhe rezultatet e toksikologjisë do të zgjasin disa javë. Policia thotë se nuk po e trajton vdekjen si të dyshimtë. Bernard njihet më shumë për rolin e saj shumëvjeçar në telenovelën “General Hospital”, e cila tregon për jetën e qytetarëve të qytetit imagjinar të Port Charles në veri të New Yorkut.

Robyn luajti personazhin e Terry Brock, vajzës së DL Brock, një prej keqbërësve kryesorë. Ajo u shfaq në 145 episode gjatë gjashtë viteve. E ndjera luajti për herë të fundit në vitin 2002 në “Voices from High School”. Pas kësaj, ajo u largua nga qendra e vëmendjes. Bernard ka lënë pas babain dhe dy motrat e saj.