Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.

Një përqafim i papritur ka ndodhur mes Eglës dhe Meritonit mëngjesin e sotëm. Meritoni ka shkuar drejt Eglës duke e uruar për ditëlindje, por ajo i tregoi se ditëlindja e saj është nesër megjithatë mund të shkëmbenin një përqafim.

Pas hapjes së Zarfit të Zi që mbante emrin e Ilnisës dhe Meritonit mbrëmë gjatë spektaklit, u bë e ditur se të dy banorët ishin të skualifikuar nga gara. Vëllai i Madh ka marrë vendimin që ata t’i bashkohen Eglës në Dhomën e Bardhë të BBV3, ku do qëndrojnë të izoluar deri ditën e shtunë. Këtë fundjave publiku do vendosë për fatin e tre banorëve, kush do largohet dhe kush do vazhdojë garën.