Një tërmet i rrallë ka goditur New Jersey, duke tronditur ndërtesat në qytetin e New York dhe zonat përreth.

Shërbimi Gjeologjik i Shteteve të Bashkuara tha se epiqendra e tërmetit me magnitudë 4.8 ishte në veri-lindje të Stacionit Whitehouse, New Jersey.

Ndërtesat u tronditën në zonën e Brooklyn. Tërmeti goditi rreth orës 10:20 me orën lokale.

Deri më tani nuk ka raportime për dëme të mëdha. Përdoruesit e mediave sociale raportuan se e ndjenin tërmetin nga Filadelfia deri në Nju Jork dhe në lindje përgjatë bregut.

Një takim i Këshillit të Sigurimit të OKB-së për Gazën në selinë në New York u ndërpre përkohësisht për shkak të tërmetit.

“A është ai një tërmet?”, tha përfaqësuesi i Save the Children, Janti Soeripto, i cili po fliste.

Tërmetet janë një dukuri relativisht e rrallë në Bregun Lindor të Shteteve të Bashkuara.