Ka ndërruar jetë në moshën 76 vjeçare ish-aktori dhe futbollisti i NFL, OJ Simpson. I njohur ndryshe me nofkën “The Juice”, kur ishte në kulmin e karrierës së tij me fanellën e San Francisco 49ers, Simpson ndërroi jetë si pasojë e një sëmundje të rëndë.

Ai do të mbahet mend si i dyshuari kryesor për vrasjen e ish-gruas së tij Nicole dhe mikut të saj Ronald Goldman. Gjyqi vazhdoi për muaj të tërë dhe ndau Amerikën, duke shkaktuar gjithashtu një debat të furishëm mbi çështjen racore. Ish-kampioni, i cili ishte bërë edhe aktor, u lirua përfundimisht për mungesë provash. Megjithatë, në vitin 2008 ai përfundoi në burg për grabitje dhe rrëmbim.

Para problemeve të tij ligjore, Simpson ishte shumë i pëlqyer, i njohur si atlet, aktor dhe fytyra e disa kompanive të mëdha. Ai ishte një yll i futbollit në Universitetin e Kalifornisë Jugore përpara se të nënshkruante me Buffalo Bills në 1969, ku luajti deri në vitin 1977. Ai doli në pension në 1979 për t’u përqëndruar në një karrierë në film dhe televizion. I ndjeri ka marrë pjesë në Towering Inferno, Capricorn One dhe Naked Gun.

Avokati Carl Douglas, i cili përfaqësonte Simpson së bashku me Robert Kardashian dhe Johnnie Cochran, tha se ishte “i tronditur dhe i befasuar” kur mësoi për vdekjen e yllit të futbollit.

Nuk është një humbje e madhe për botën. Është një kujtesë e mëtejshme e largimit të Ronit.