Viti më i rëndësishëm i jetës së tyre/Pas yjeve të DWTS rrëfehen anëtarët e jurisë në “Fan Club”!
![](https://www.vovmagazine.al/wp-content/uploads/2022/02/56-2-150x150.png)
![Viti më i rëndësishëm i jetës së tyre/Pas yjeve të DWTS rrëfehen anëtarët e jurisë në “Fan Club”!](https://www.vovmagazine.al/wp-content/uploads/2023/12//viti-me-i-rendesishem-i-jetes-se-tyre-pas-yjeve-te-dwts-rrefehen-anetaret-e-jurise-ne-fan-club.jpeg)
“Dancing With The Stars” zbuloi spektaklin e mbrëmjes së të premtes një anë tjetër të artistëve që shpesh kanë refuzuar t’ia transmetojnë publikut. Sigurisht që edhe anëtarët e jurisë së “Dancing With The Stars” kanë rrëfyer mes emocionesh vitin më të rëndësishëm të jetës ekskluzivisht për “Fan Club DWTS”.
Valbona Selimllari
![](https://www.vovmagazine.al/wp-content/uploads/2023/12/viti-me-i-rendesishem-i-jetes-se-tyre-pas-yjeve-te-dwts-rrefehen-anetaret-e-jurise-ne-fan-club-6575f5b496e51.jpg)
Ka aq shumë histori në jetën time, po ta nisim për karrierën në ’91-shin unë mora ‘Miss Albania’. Ju e dini që fati ishte që për herë të parë në Shqipëri bëhej, kështu që Miss-i i parë pati një tjetër impakt tek njerëzit. Ka shumë gjëra dhe ti ndash nuk është kaq e thjeshtë. Unë pas Miss-it kam studiuar për arte, kam mbaruar për aktrim, kam një eksperiencë shumë të bukur dhe mbresëlënëse me ‘Don Zhuani’, një pjesë që është vënë në teatër në ‘96-’97 dhe për fat të keq ’97 ishte një vit shumë problematik, na u desh ta ndërprisnim, një nga gjërat që kujtoj dhe s’do të doja të kthehesha është ’97-a.
Lori Bala
![](https://www.vovmagazine.al/wp-content/uploads/2023/12/viti-me-i-rendesishem-i-jetes-se-tyre-pas-yjeve-te-dwts-rrefehen-anetaret-e-jurise-ne-fan-club-6575f5b6546b4.jpg)
I pari që më vjen është 2017, ardhja në jetë e vajzës sime, viti më i bukur për mua, përtej sakrificave, përgjegjësive që u shtuan, ndërsa nga ana profesionale do të veçoja vitin 2023, 1 janarin kur më erdhi ftesa nga produksioni për të qenë pjesë e jurisë së ‘DWTS’, pas 9 vitesh sakrifica, përpjekje, luftë për të arritur sa më lart, ky ishe suksesi më i madh që mora unë. Pse jo do të doja që viti 2024, sigurisht unë kam dëshirë të zgjeroj edhe familjen, pse jo të mos jetë edhe 2024 kaq i bukur, ose ndoshta akoma më i bukur se 2023-shi.
Ilir Shaqiri
![](https://www.vovmagazine.al/wp-content/uploads/2023/12/viti-me-i-rendesishem-i-jetes-se-tyre-pas-yjeve-te-dwts-rrefehen-anetaret-e-jurise-ne-fan-club-6575f5b81cc8c.jpg)
Do të veçoja momentin kur kam filluar hapat e mi në ‘Buona Domenica’ dhe ‘Amici’, që në vitet kur Shqipëria njihej thjesht për atë konceptin negativ që na kishin damkosur dhe e vuanim shumë, kjo që ajo që personalisht mua më ka dhënë shumë satisfaksion në jetën time, në karrierën time, thyerja e një koncepti që ishte për Shqipërinë në përgjithësi.
Olta Gixhari
![](https://www.vovmagazine.al/wp-content/uploads/2023/12/viti-me-i-rendesishem-i-jetes-se-tyre-pas-yjeve-te-dwts-rrefehen-anetaret-e-jurise-ne-fan-club-6575f5b9dae16.jpg)
Natyrisht që viti më i rëndësishëm është ardhja në jetë e djalit tim, 21 gusht, dita më e lumtur e jetës sime, dita që jam ndjerë tërësisht e bekuar, më ka bekuar me fjalën nënë, jam natyrë nostalgjike, që kujtoj gjithmonë gjërat e bukura që më kanë ndodhur. Një vit tjetër shumë i bukur për karrierën time është viti 2008, kur kam luajtur në Teatrin Kombëtar me aktorë shumë të njohur, ‘Pamje nga ura’ që shumë njerëz ende e mbajnë mend, një shfaqje që ka pasur sukses imediat, unë u zgjova papritmas e famshme në mëngjes pas premierës. Ka qenë një nisje madhështore, magjike.