Ministri Çuçi i përgjigjet akuzave të kryedemokratit Berisha!

vovalbania August 05, 2022 0 koment 1 Mund të lexoni në minuta.
Ministri Çuçi i përgjigjet akuzave të kryedemokratit Berisha!

Mes shqetësimeve për sigurinë në plazhe që kulmuan me tragjedinë e 2 gushtit në plazhin e Potamit e kërkesave për dorëheqje, ministri i Brendshëm, Bledi Çuçi reagoi pas akuzave të Berishës. Sipas kreut demokrat, “Çuçi është pronar i një kompanie me mjete lundruese”, ndërsa në media po qarkullon një dokument, sipas të cilit, “ministri zotëron subjektin “Albanian Sailing Club””.

Në një postim, ministri Çuçi shprehet se “është thjesht një shoqatë velierash sportive që e ka ndërtuar me miqtë”, por jo biznes skafesh apo gomonesh. Ndërkohë, akuzon Berishën se po keqpërdor politikisht tragjedinë e Himarës, për interesa politike.

Ka një përpjekje për të prodhuar fakte që të ilustrojnë akuzat e gatshme të Sali Berishës ndaj meje pas tragjedisë së fundit në Himarë. Për respekt të opinionit publik, që me të drejtë është i ngarkuar nga tragjedia e vajzës 7-vjeçare dhe dhimbja e familjes së saj, dua të sqaroj se sajesat me emrin tim dhe një shoqatë velierash sportive që kam krijuar me miq pasionantë të tyre, nuk kanë lidhje me asnjë biznes dhe aq më tepër me skafe apo gomone.

I hedh poshtë me neveri këto sajesa, pasi duan të keqpërdorin në mënyrë të neveritshme këtë ngjarje tragjike, për ta mbajtur gjallë për hallet e tyre politike.

Gjatë këtyre ditëve të rënda për çdo shqiptar, por veçanërisht për familjen e vajzës dhe për ne që jemi përgjegjës për sigurinë e jetës së tyre, jam përpjekur të flas me veprime konkrete kundër fajtorëve të asaj tragjedie, të cilët tani janë para drejtësisë, përfshirë gjithashtu dhe të gjithë zinxhirin komandues të Policisë Kufitare Vlorë.

Mendoj se kjo është rruga e duhur për të respektuar dhimbjen e familjes së vajzës dhe të afërmve të saj. Rruga për t’u përballur me baltën e Sali Berishës është 30-vjeçare dhe nuk më sfidon. Thjesht e kemi detyrim ndaj shqiptarëve të ndajmë fatin e Shqipërisë nga fati dhe balta e tij.

 

Biletë:

vovalbania

Redaktori nuk ka dhënë ende asnjë informacion për veten e tij.

Total 45396 ka shpërndarë postimin.
MEDIAT SOCIALE