Ka filluar në Gjykatën e Mançesterit gjykimi i futbollistit legjendar të Manchester Unitedit, Ryan Giggs, i akuzuar për sulm ndaj ish-të dashurës së tij. 48-vjeçari akuzohet se ka sulmuar Kate Grenville dhe i ka shkaktuar asaj lëndime trupore më 1 nëntor 2020, në shtëpinë e tij në Mançester. Në të njëjtën kohë, ai u akuzua se kishte sulmuar motrën e saj më të vogël, Emma.

Kate Greville, ish-partnerja e legjendës së futbollit, Ryan Giggs, ka hedhur një sërë akuzash kundër yllit të dikurshëm të Manchester Unitedit. Në dëshminë e policisë qëzgjati rreth 105 minuta, ajo ka rrëfyer se:

Donte të bënte seks gjatë gjithë kohës, më merrte në telefon 50 herë brenda një ore.

Kate, një drejtoreshë e marrëdhënieve me publikun, detajoi sjelljen e pretenduar abuzive të Giggs në marrëdhënien e tyre. 36-vjeçarja gjithashtu pretendon se zbuloi që trajneri i futbollit kishte lidhje me tetë femra të ndryshme duke parë iPad-in e tij, pas të cilës vendosi të largohej nga shtëpia e tij në vitin 2020.

Vendosa të zbuloj të vërtetën. Realiteti i asaj që gjeta në atë iPad ishte shumë më i keq nga sa mund ta imagjinoni.

Former Manchester United footballer Ryan Giggs arrives at Manchester Crown Court where he is accused of controlling and coercive behaviour against ex-girlfriend Kate Greville between August 2017 and November 2020. pic.twitter.com/NX8oAJTq4q

— Radio News Hub (@radionewshub) August 9, 2022

Ish-partnerja gjithashtu tregoi se si 48-vjeçari reagonte me zemërim ndaj akuzave se po takonte femra të tjera gjatë kohës që ata ishin në lidhje. Greville pretendon se në vitin 2017, Giggs, e tërhoqi zvarrë nga një dhomë hoteli në Dubai, ndërsa ajo ishte e zhveshur, pasi e akuzoi se kishte shikuar një femër tjetër.

Dhe në ditën e Krishtlindjes në vitin 2019, ajo i tha një oficeri policie, se ish-futbollisti e goditi me shkelm në shpinë ndërsa ajo u shtri në shtrat para se t’ia hidhte çantën e laptopit në kokë në një dhomë hoteli në Londër, pas një debati gjatë një daljeje. Giggs është akuzuar se e kishte sulmuar Kate dhe motrën e saj më të vogël, Emma Greville, më 1 nëntor 2020, me një akuzë të mëtejshme në lidhje me sjelljen kontrolluese dhe shtrënguese ndaj ish-it të tij midis viteve 2017 dhe 2020. Për shkak të gjyqit, trajneri dha dorëheqje nga posti i përzgjedhësit të Uellsit. Ai i ka mohuar të gjitha akuzat.