Justin Bieber është rikthyer në skenë pasi shtyu turneun e tij “Justice World” pas diagnozës së sindromës Ramsay Hunt. Të dielën, këngëtari performoi në Trondeheim, Norvegji dhe gjatë një momenti në skenë vendosi që të fliste me fansat e tij për qëllimin e albumit të tij “Justice” dhe kuptimin që qëndron pas tij. Justin ka shpërndarë edhe në llogarinë e tij në Instagram, një fjalim të vogël që ka mbajtur në koncert. Në fjalimin, Justin foli për racizmin dhe iu drejtua fansave të tij duke thënë:

Kështu që kur krijuam albumin “Justice”, ne donim të bënim një moment të qëllimshëm. Një moment uniteti, një moment pranimi, një moment përkatësie. Në këtë botë, ka shumë ndarje dhe çfarë është drejtësia, është që ne të bashkohemi të gjithë. Ne e dimë se racizmi është i keq. Është i gabuar.

Duke u thënë fansave të tij se si ata kanë përgjegjësinë për të bërë më mirë, Justin tha më tej:

Por ju dhe unë, ne duhet të jemi krijuesit e ndryshimeve. Ne duhet të jemi ata që do të qëndrojmë me vëllezërit dhe motrat tona dhe do të bëjmë një ndryshim. Kështu që Unë jam shumë mirënjohës që secili prej jush këtu sonte është pjesë e këtij mesazhi, duke qenë pjesë e këtij udhëtimi.

Mesazhi i përzemërt i Justin erdhi pasi këngëtari u rikthye së fundmi në skenë pas problemeve të tij shëndetësore. Rikujtojmë gjithashtu se pas një muaji të gjatë vuajtjeje nga gjendja e tij që i la të paralizuar njërën anë të fytyrës, Bieber po i kthehet të qenit i lumtur sërish. Pas rifillimit të turneut të tij, i cili u shty për një kohë të pacaktuar pasi u diagnostikua, Justin po kthehet në rrugën e duhur. Gjatë fundjavës, Justin u pa duke dhënë një performancë të paharrueshme në Festivalin Veror Lucca në Itali, ndërsa ai rifilloi turneun e tij.