Nuk ka qetësi për familjen e vlogeres së ndjerë Gabby Petito, padisin policinë!

vovalbania August 11, 2022 0 koment 1 Mund të lexoni në minuta.
Nuk ka qetësi për familjen e vlogeres së ndjerë Gabby Petito, padisin policinë!

Familja e vlogeres së ndjerë, Gabby Petito nuk ka mbaruar ende me kërkimin e drejtësisë. Prindërit e saj ngritën një padi kundër policisë në Moab, Utah. Ata po kërkojnë 50 milionë dollarë dëmshpërblim, duke pretenduar se policia nuk i ka përgatitur siç duhet oficerët e saj për të trajtuar rastet e dhunës në familje. Petito u zhduk në shtator të vitit 2021 gjatë një udhëtimi të gjatë rrugor me të fejuarin e saj, Brian Laundrie.

Të dy po udhëtonin me një furgon të vogël dhe ishin pranë Parkut Kombëtar të Tetonit kur 22-vjeçarja u zhduk. Disa nga personat e fundit që e panë atë gjallë ishin policët që iu përgjigjën një telefonate për dhunë në familje për çiftin. Pas një kërkimi të gjatë dhe një furie mediatike, Laundrie vrau veten, duke lënë pas një shënim ku rrëfente se ishte ai vrasësi i Petito-s.

Tani, familja e Petito-s argumenton se ai ndërveprim me policinë ishte shansi i fundit për të shpëtuar vajzën e tyre. “Ky është një dështim institucional i thjeshtë dhe i qartë. Ndërsa provat e plota nuk janë bërë ende publike, kur të publikohen, do të tregojnë qartë se nëse oficerët do të ishin trajnuar siç duhet dhe do të kishin ndjekur ligjin, Gabby do të ishte ende gjallë sot,” tha avokati James McConkie duke shtuar se Departamenti i Policisë së qytetit Moab ka probleme me mbrojtjen e viktimave të dhunës në familje.

Rikujtojmë, se një film i bazuar në vdekjen tragjike të vlogeres ka nisur xhirimet dhe fotot janë publikuar së fundmi, pak pasi FBI konfirmoi se i dashuri Brian Laundrie ka rrëfyer në shënimet e tij se ishte ai vrasësi. “The Gabby Petito Story” po xhirohet në malet pranë Salt Lake City, Utah. Regjisorja Thora Birch shihet në disa pamje duke u dhënë drejtim dy aktorëve që luajnë Petito-n dhe Laundrie. Burch do të interpretojë gjithashtu në film si nëna e Petitos.

Biletë:

vovalbania

Redaktori nuk ka dhënë ende asnjë informacion për veten e tij.

Total 52186 ka shpërndarë postimin.
MEDIAT SOCIALE