Duhet të keni parë të paktën një herë një vend të zbrazët në avion, për shembull, pranë dritares, por stjuardesa nuk ju ka lejuar të ndryshoni vendin. Përkatësisht, piloti amerikan Darren Patterson zbuloi se shpërndarja e peshës së pasagjerëve është vendimtare edhe gjatë fluturimit, sepse ndikon në stabilitetin e aeroplanit.

Kjo është e vërtetë për avionët që janë më të vegjël. Piloti thekson se:

Që avioni të qëndrojë në ekuilibër, nga momenti i ngritjes deri në ulje, duhet të merret parasysh pesha totale dhe shpërndarja e tij.

Shumë pasagjerë mendojnë se pesha nuk mund të ndikojë në asnjë mënyrë në fluturim, por formula për qëndrueshmërinë e avionit merr parasysh karburantin e konsumuar gjatë fluturimit, i cili ndikon edhe në qendrën e gravitetit. Nëse gjithçka është ashtu siç duhet, pra sipas planit dhe programit, ekuilibri i avionit nuk do të prishet. Ndërsa disa aeroplanë kanë softuer që llogarit se si shpërndahet pesha, linjat e tjera ajrore duket se ia lënë stjuardesëve të kontrollojnë se si ulen pasagjerët. Piloti vijon duke thënë se:

Sa më i vogël të jetë avioni, aq më dramatik mund të jetë çekuilibri.

Rikujtojmë se gjenden disa zona sekrete në çdo aeroplan që pasagjerët nuk mund t’i shohin për asnjë arsye. Ato janë vendet ku pilotët dhe ekuipazhi i kabinës shkojnë për të pushuar gjatë fluturimeve të gjata. Ndryshe quhen ‘Crew Rest Compartments’ dhe vendndodhja e tyre në aeroplan ndryshon sipas markave. Në avionët më të rinj, si Boeing 787 ose Airbus A350, ato janë të vendosura mbi kabinën kryesore, por në aeroplanët më të vjetër, ato mund të jenë në bagazhin e ngarkesave ose thjesht në kabinën kryesore.

Ndërkaq, ka shumë arsye pse na pëlqen të udhëtojmë, por sipas ekspertëve, motivimi kryesor për të udhëtuar është arratisja, duke lënë të zakonshmen. Pamundësia gjatë pandemisë për të lëvizur lirshëm ka theksuar edhe më tepër dëshirën për t’ia mbathur. Shpjegimi më i mirë vjen nga psikologia kaliforniane Carla Marie Manly, sipas së cilës pandemia kufizoi udhëtimet dhe shkaktoi stres dhe zemërim.