Pas sulmit të shkrimtarit Salman Rushdie, kërcënohet autorja e njohur e “Harry Potter”!

vovalbania August 14, 2022 0 koment 1 Mund të lexoni në minuta.
Pas sulmit të shkrimtarit Salman Rushdie, kërcënohet autorja e njohur e “Harry Potter”!

Pas ngjarjes barbare, ku u sulmua autori dhe shkrimtari, Salman Rushdie në një leksion letërsie të mbajtur në New York, të famshëm dhe jo vetëm reaguan të tronditur. Mes tyre ishte edhe autorja e sagës “Harry Potter”, Joanne Rowling, e njohur si J.K.Rowling.

Ajo u shpreh e trishtuar prej sulmit kundrejt Salman Rushdie dhe uroi që ai të ishte mirë, përmes një postimi në Twitter, por nuk vonoi shumë dhe një mbështetës i sulmit ndaj autorit, replikoi duke thënë:

Mos u shqetëso, e ke ti radhën.

.@TwitterSupport any chance of some support? pic.twitter.com/AoeCzmTKaU

— J.K. Rowling (@jk_rowling) August 13, 2022

Rowling menjëherë i bëri tag llogarisë përgjegjëse për suport, duke thënë: “Ka ndonjë mundësi për suport?” dhe më vonë, përditësoi fansat duke i falenderuar dhe duke i njoftuar se në çështjen e kërcënimit është përfshirë edhe policia. Për sa i përket gjendjes së Salman Rushdie, ai është nën përkujdesin e mjekëve dhe thuhet se për shkak të goditjes me thikë në pjesën e qafës, mund të humbasë syrin. Gjithashtu, për momentin nuk mund të flaës, si dhe i janë dëmtuar nervat e krahut dhe mëlçisë.

Rushdie, prej vitesh tashmë është nën shënjestrën e ekstremistëve, pas botimit të veprës “Vargjet Satanike”, të cilën shumë prej besimtarëve myslimanë e kanë konsideruar blasfemi. Sulmi ndaj tij konsiderohet një regres i jashtëzakonshëm për fjalën e lirë dhe ka lënë të shokuar njerëzit anembanë botës.

Biletë:

vovalbania

Redaktori nuk ka dhënë ende asnjë informacion për veten e tij.

Total 41792 ka shpërndarë postimin.
MEDIAT SOCIALE