Sean Bean do të kishte dashur të ishte artist dhe ende provon dorën e tij në vizatim dhe pikturë kur nuk është në ekran. Aktori pranoi se ndërsa ka pasur disa eksperienca të mrekullueshme si yll filmi, ai ende përpiqet të vizatojë dhe pikturojë dhe e krahason procesin krijues me profesionin e tij.

Do të doja. Por, nuk ka mbaruar ende. Kam pasur eksperienca të mrekullueshme dhe kam udhëtuar nëpër botë. Nuk më shkon kurrë në mendje të bëj diçka tjetër, por do të kisha dashur të isha artist. Provoj dhe unë të vizatoj ose pikturoj. Unë i mbledh të gjitha lapsat dhe pastelet së bashku, pastaj thjesht përfundoj duke bërë shkarravinë. Më pëlqen të përdor duart dhe imagjinatën time, të jem produktiv dhe të bëj gjëra. Supozoj se aktrimi i kombinon të gjithë ata elementë. Kjo është çfarë e bën atë kaq të dobishme.

Ndërkohë, ylli i “Game of Thrones” është ‘vrarë’ në ekran disa herë gjatë karrierës dhe ka thënë me shaka se nuk shqetësohet shumë nëse personazhi i tij ka një fund të frikshëm nëse është një pjesë për të cilën ia vlen të vdesë.

Nuk jam shumë i shqetësuar. Nëse është një pjesë e mirë, ia vlen të vdes për të. Me skenarët, lexoja nga fundi për të parë nëse isha ende në to. Dhe thoja me vete: ‘Oh jo, zgjas vetëm deri në faqen 34’. Kur je në fillim, je shumë më i nevojshëm. Tani ata mund të më mbajnë gjallë dhe të kenë vlerën e parave të tyre. Kur takova për herë të parë skenaristët e “Game of Thrones”, ata më thanë: “Ti vdes, por je brenda filmit për pothuajse të gjithë sezonin”. Por, ai ishte një personazh i shkëlqyeshëm dhe ishte një vdekje e mirë, kështu që nuk e kisha problem. Vdekja e Boromirit (në “The Lord of the Rings”) ishte ndoshta vdekja më e mirë që kam bërë ndonjëherë. Ishte thjesht kaq heroike dhe tragjike. Fitova një reputacion për të vdekur në ekran, por unë do të preferoja të qëndroja gjallë tani, nëse nuk e keni problem.