Aktori Gary Busey po përballet me akuza për ngacmime seksuale që dyshohet se kanë ndodhur gjatë konventës vjetore të “Monster Mania” të mbajtur në hotelin Doubletree në Cherry Hill të New Jerseyt në fundjavën e kaluar. Policia e Cherry Hill iu përgjigj një raportimi për një ngacmim seksual në hotel dhe si rezultat i hetimit, departamenti i policisë e akuzoi aktorin për dy shkelje të dënueshme seksuale të shkallës së katërt, një akuzë për tentativë për kontakt seksual dhe një akuzë për ngacmim.

Shefi i policisë së atjeshme ka konfirmuar për ‘CNN’ të shtunën mbrëma se incidenti përfshinte Gary Busey, i cili ishte një nga të pranishmit. Aktori njihet për role të shumta filmike, në veçanti për portretizimin e Buddy Holly në filmin e vitit 1978, “The Buddy Holly Story”, për të cilin u nominua për Oscar për aktorin më të mirë. Përfaqësuesit ligjor të “Monster Mania” janë shprehur:

Klienti ynë, “Monster-Mania LLC”, po ndihmon autoritetet në hetimin e tyre në një incident të supozuar që përfshin të pranishmit dhe një mysafir të famshëm në një kongres të kaluar në Cherry Hill. Menjëherë pasi morëm pretendimin, i ftuari i famshëm u hoq nga konventa dhe iu tha që të mos kthehet. “Monster-Mania” inkurajoi gjithashtu të gjithë pjesëmarrësit në ngjarjen fatkeqe të kontaktojnë policinë për të paraqitur një kallëzim.

Tre gra janë paraqitur në polici duke pretenduar se Busey i ka ngacmuar dhe i ka prekur në mënyrë të papërshtatshme gjatë një takimi, tha shefi i policisë së Cherry Hill, Robert Kempf. Të dhënat e gjykatës tregojnë se veprat e supozuara kanë ndodhur pasditen e 13 gushtit. Policia nuk ka pasur asnjë kontakt me përfaqësuesit ligjorë të aktorit, tha Kempf, por foli me Busey pas raportit fillestar ndërsa ai ishte ende në Cherry Hill.