Këtë fundjavë, pas gati 20 vitesh, Jennifer Lopez dhe Ben Affleck patën ditën e tyre më të lumtur, megjithatë ajo kaloi pa disa njerëz të afërt. Çifti u martua në fshehtësi muajin e kaluar dhe tani e shënuan me një ceremoni solemne në pronën e aktorit në Georgia, ku morën pjesë familjarët, miqtë dhe të njohurit e tyre.

Megjithatë, jo të gjithë të ftuarit arritën në dasmë dhe disa nga ata që nuk arritën të vinin janë ish-bashkëshortja e Ben, Jennifer Garner dhe vëllai i tij i vogël, Casey Affleck. Casey, i cili po ashtu është aktor, është parë në Los Angeles të shtunën në mëngjes, mijëra kilometra larg nga Georgia, ku vëllai i tij nuk ishte martuar ende. Një burim i mediave të huaja ka njoftuar se ai e ka humbur ceremoninë për shkak të “detyrimeve familjare”.

Në ceremoni nuk është shfaqur as ish-bashkëshortja e Affleck, Jennifer Garner, e cila dihet se ka një marrëdhënie të mirë me aktorin. Garner dhe Affleck ishin të martuar nga viti 2005 deri në vitin 2018 dhe kanë tre fëmijë së bashku. Edhe pse thuhet se ajo nuk ka asgjë kundër martesës së tij me Lopez, angazhimet e penguan të ishte e pranishme në ditën e tyre më të lumtur. Një burim i afërt me aktoren u shpreh se:

Jennifer Garner është duke punuar shumë për një projekt në Teksas dhe nuk do të marrë pjesë në dasmë, por ajo ka qenë shumë mbështetëse për ardhjen e fëmijëve të saj dhe në përgjithësi është shumë pozitive për të gjithë këtë.

Kudo dominonte e bardha, si tek lulet, karriget, tavolinat edhe tek piano. Pamjet e siguruara me dron treguan se të ftuarit ishin veshur me të gjitha veshjet e bardha teksa u mblodhën në një vendkalim të gjatë të bardhë drejt shtëpisë së aktorit, ku festimet dukej se ishin në kulmin e tyre. Fotot e marra nga sipër pronës së pallatit tregojnë Lopez të veshur me një fustan nusërie të bardhë, me një vello të gjatë që shtrihej disa metra pas saj, duke mbuluar tokën.