Gerard Pique dhe e dashura e tij, Clara Cha Marti nuk fshihen më. Çifti ka vendosur të tregojë dashurinë e tyre dhe të mos e fshehë atë që ndjen për njëri-tjetrin. Gjatë koncertit të fundit të Dani Martin dhe me këngën e tij të famshme ‘Cero’ në sfond, futbollisti dhe e dashura e tij e re u panë duke u puthur dhe duke qëndruar shumë pranë njëri-tjetrit.

Në video ata shfaqen shumë intim me njëri-tjetrin dhe duke e shijuar mbrëmjen. Pavarësisht fyerjeve mizore që i duron çdo ditë mbrojtësi i Barcelonës, i cili komentohet vazhdimisht për tradhtinë ndaj këngëtares kolumbiane, detaje të reja thonë se romanca e dyshes po bëhet edhe më e fortë.

BOMBAZO @socialitet5: Primer beso de Gerard Piqué con su nueva novia Clara Chía Martí tras la ruptura con Shakira #Socialité591 #WeLoveYouShakira pic.twitter.com/iS4Ykj4UGt

— Rafael García López 🇺🇦🇪🇺🗽 (@RafaelGarciaLAF) August 21, 2022

Babai, vëllai dhe miqtë e lojtarit të Barcelonës thuhet se ishin të gjithë të pranishëm, siç raportohet nga drejtuesit e emisionit të Mamarazzis nga gazeta katalanase ‘El Periodico’. Gazetarët janë shprehur se:

Ata putheshin dhe shkëmbyen përqafime dhe përkëdhelje me njëri-tjetrin.

Pique with his new girlfriend Clara Chia Marti. pic.twitter.com/5SsKB30h63

— Barça Worldwide (@BarcaWorldwide) August 20, 2022

Sipas ‘The Sun’, Clara është vetëm 23 vjeçe, gjë që nënkupton se ka një diferencë të madhe në moshë me Pique, pasi ai është 35 vjeç. Ajo ishte studente në fushën e marrëdhënieve me publikun dhe u njoh me lojtarin në një event të organizuar nga ‘Kosmos’. Clara punonte si kamariere në atë kohë, por tani ajo është një organizatore profesionale eventesh.

Pas këtyre raportimeve dalin dhe disa detaje të reja, ku thuhet se e dashura e re e futbollistit ka një ngjashmëri të jashtëzakonshme me këngëtaren kolumbiane. Mediat kanë qenë të zënë duke u përpjekur të zbulojnë identitetin e saj, me “The Sun” duke zbuluar imazhin e parë të partneres së re të Pique, 23-vjeçares Clara Chia Marti.

Më herët ajo fshiu llogaritë e saj në rrjetet sociale në një përpjekje për të mbrojtur identitetin pas lajmeve për ndarjen e Pique dhe Shakira. Kjo nuk e ka penguar që të shihet në mbarë botën një foto e saj, e cila e tregon me flokë të gjatë, bionde dhe tipare të ngjashme me atë të kolumbianes.