Ish-e dashura e Hugh Hefner, Holly Madison, ka zbuluar së fundmi se seksi me themeluesin e Playboy-it ishte i shëmtuar. 42-vjeçarja zbuloi të gjitha detajet e jetës së saj seksuale me themeluesin e ndjerë të Playboy gjatë episodit të parë të podcast-it të saj “Girls Next Level”, të cilin ajo e prezanton me ish-shoqen, Bridget Marquardt.

Marquardt dhe Madison, të cilat kishin lidhje me Hefnerin dhe jetonin në rezidencën e famshme të Playboy, nuk u përmbajtën kur erdhi puna për të ndarë detajet e takimeve të tyre seksuale me botuesin. Ata shpesh bënin seks me Hefnerin para grave të tjera, të cilat ‘flisnin për to’ gjatë kohës që kjo ndodhte. Madison u shpreh se:

Ti je ulur fjalë për fjalë aty lakuriq duke bërë seks para një grupi njerëzish që të urrejnë dhe flasin për ty ndërkohë që po bën seks dhe mund ta dëgjosh atë, ishte thjesht një ferr. Ne e menduam si një punë të përditshme që duhej të bënim ose përndryshe do të na nxirrnin nga shtëpia. Dhe të gjithë donin ta bënin që të kalonte sa më shpejt që të ishte e mundur.

Dy gratë gjithashtu pohuan se nganjëherë Hefner nuk do të lëvizte fare gjatë takimeve të tyre me të. Madison vijoi duke shprehur se:

Ai do të ishte si një trung në mes të shtratit. Mund të shpjegoj se sa e turpshme ishte e gjithë ajo rutinë.

Marquardt zbuloi se hera e parë që ajo fjeti me Hefner ishte pas një nate festimi gjatë fillimit të viteve 2000. Ajo e përshkroi takimin si ‘zhgënjyes dhe të sikletshëm’ pasi u ankua se seksi nuk zgjati më shumë se një minutë. Dy gratë kujtuan gjithashtu se si dhoma e gjumit e Hefnerit ishte vazhdimisht e çrregullt.

Marquardt tha:

Ne hymë brenda dhe ishte thjesht një tmerr atje. Dritat ishin fikur, por kishte dy ekrane gjigante televizive që po luanin pornografi.

Nuk është hera e parë që Madison flet për kohën e saj me Hefnerin në rezidencën e Playboy. Në fillim të këtij viti, Madison diskutoi përvojat e saj në serinë e dokumentarëve të ‘A&E Secrets of Playboy’. Në dokumentarë, ajo pretendoi se Hefner e izoloi atë nga bota reale.

Rikujtojmë, se Hugh Hefner, drogonte dhjetëra vajza të reja për orgji me orë të tëra, ndërsa hiqej si një person që mbështeste lirinë seksuale, sipas një dokumentari të ri tronditës. Aty thuhet se Playboy u shndërrua në një shesh lojërash të fëlliqura për përdorimin e drogës dhe abuzimin seksual.