Presidentja e Komisionit Evropian, Ursula von der Leyen, shprehu sot pritshmërinë që Britania e Madhe të respektojë të gjitha aspektet e marrëveshjes së Brexit gjatë mandatit të kryeministres Liz Truss.

“Së bashku ne përballemi me sfida të shumta, nga ndryshimet klimatike deri te pushtimi i Ukrainës nga Rusia. Unë pres një bashkëpunim konstruktiv, me respekt të plotë për marrëveshjet tona,” tha Von der Leyen në një postim në Twitter.

Congratulations @trussliz.
The EU and the UK are partners.

We face many challenges together, from climate change to Russia’s invasion of Ukraine.

I look forward to a constructive relationship, in full respect of our agreements.

— Ursula von der Leyen (@vonderleyen) September 5, 2022

Sot, Truss mundi ish-ministrin e financave Rishi Sunak në një votim brenda partisë në garën për presidencën e Partisë Konservatore në pushtet.

Ajo do të bëhet kryeministre kur Mbretëresha Elizabeth II ta ftojë të formojë një qeveri të re nesër në një pritje në Kalanë Balmoral në Skoci.

Më parë, ish-kryeministri britanik Boris Johnson, i cili dha dorëheqjen më 7 korrik, duhet t’i dorëzojë dorëheqjen mbretëreshës.