Zbulimi i një varrimi masiv të lënë pas nga forcat ruse në Ukrainë, ka nxitur thirrjet e presidencës së Bashkimit Evropian për një gjykatë ndërkombëtare për krimet e luftës.

Thirrja e Jan Lipavsky, ministri i jashtëm i Republikës Çeke, i cili mban presidencën e rradhës të BE-së, erdhi pasi qindra varre u gjetën në qytetin e sapoçliruar të Izyum.

Autoritetet ukrainase thanë se ato përmbanin trupa të të rriturve dhe fëmijëve civilë, si dhe një varr masiv që mbante të paktën 17 ushtarë ukrainas, të cilët treguan shenja torture.

Lipavsky tha: “Rusia la pas varrezat masive të qindra njerëzve të pushkatuar dhe torturuar në zonën e Izyum. Në shekullin e 21-të, sulme të tilla kundër popullatës civile janë të paimagjinueshme dhe të neveritshme. Ne nuk duhet ta anashkalojmë atë. Ne qëndrojmë për dënimin e të gjithë kriminelëve të luftës.Unë bëj thirrje për krijimin e shpejtë të një gjykate speciale ndërkombëtare që do të ndjekë penalisht krimin e agresionit.”