Një “mal” me akuza për Adam Levine, edhe ish-instruktorja e joga-s kundër këngëtarit!
![](https://www.vovmagazine.al/wp-content/uploads/2022/02/56-2-150x150.png)
![Një “mal” me akuza për Adam Levine, edhe ish-instruktorja e joga-s kundër këngëtarit!](https://www.vovmagazine.al/wp-content/uploads/2022/09//nje-mal-me-akuza-per-adam-levine-edhe-ish-instruktorja-e-joga-s-kunder-kengetarit.jpg)
Së fundmi, një tjetër grua ka hedhur akuza ndaj këngëtarit Adam Levine. Ish-instruktorja e joga-s, Alanna Zabel, që ka punuar me artistin nga viti 2007 deri në 2010 shkroi në rrjete sociale se ai i kishte dërguar mesazhe flirtuese.
Një ditë më dërgoi një mesazh duke më thënë: “Dua ta kaloj ditën lakuriq me ty”.
![](https://www.vovmagazine.al/wp-content/uploads/2022/09/nje-mal-me-akuza-per-adam-levine-edhe-ish-instruktorja-e-joga-s-kunder-kengetarit-632c3856e0279.jpg)
Më tej, instruktorja pretendoi se për shkak të këtij mesazhi u konfliktua me të dashurin e saj të atëhershëm. Zabel tha se arsyeja pse foli publikisht është se u zhgënjye nga përgjigjja e tij ndaj akuzave për të. Akuzat e saj vijnë në një kohë kur Levine po kritikohet për mesazhet flirtuese që iu ka dërguar disa modeleve. Modelja Sumner Stroh, pretendoi se kishte qenë në një lidhje me këngëtarin e hitit “Girls Like You”.
![](https://www.vovmagazine.al/wp-content/uploads/2022/09//kengetari-adam-levine-mohon-lidhjen-me-modelen-sumner-stroh-por-pranon-se-ka-gabuar-diku.jpeg)
Ndërkaq, një grua e quajtur Alyson Rose ndau mesazhet e saj të supozuara me këngëtarin e Maroon 5. Rose pretendoi se kishte shumë më shumë mesazhe, por zgjodhi të mos i shpërndante sepse ato nuk janë të përshtatshme dhe ajo nuk ndihej rehat duke postuar gjithçka. Një grua tjetër, komediania Maryka, ndau në Story në Instagram mesazhet e supozuara me Levine, i cili edhe asaj i thoshte se ishte i fiksuar pas saj.
![](https://www.vovmagazine.al/wp-content/uploads/2022/09//nuk-ka-paqe-per-adam-levine-dy-modele-te-tjera-publikojne-mesazhet-flirtuese-me-kengetarin-632af98de5779.jpg)
Levine ndërkaq është i martuar me modelen e ‘Victoria’s Secret’, Behati Prinsloo që nga viti 2014. Pas këtij skandali ka reaguar edhe supermodelja Emily Ratajkowski. Emily kritikoi aktoren Sara Foster për fajësimin e Sumner Stroh, e cili pretendonte se kishte një lidhje 1-vjeçare me këngëtaren e Maroon 5.