I kërkuar nga Italia për trafik kokaine, Klejdi Abdyli ra në prangat e policisë më 2019-tën. 4 vite më vonë Prokuroria e Durrësit njofton se 32-vjeçarit i ka sekuestruar 11 pasuri dhe 3 llogari bankare në Durrës. Të gjitha pasuritë të cilat ishin në emër të Abdylit ishin nga e shkuara e tij kriminale.

Njësia Hetimore e Karabinierëve Pescara, konstatoi se Klejdi Abdyli ishte kreu i klanit të grupit shqiptar që vepron si një nga kanalet kryesore të furnizimit me kokainë për trafikun e drogës në rrethet Rancitelli dhe San Donato të Pescara. Ai u ekstradua nga Shqipëria më 2019 si marrës i një urdhri të lëshuar nga Gip (gjyqtar për hetimet paraprake) të gjykatës së kryeqytetit Adriatik.

Njoftimi i Prokurorisë Durrës:

Prokuroria Durrës sekuestron 6 apartamente, 3 automjete, garazhd dhe llogari bankare.

Mbi kërkesën e Prokurorisë së Rrethit Gjyqësor Durrës, Gjykata e Shkallës së Parë Durrës, bazuar në nenin 274 të K. Pr. Penale si dhe ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë” (ndryshuar me ligjin nr. 24/2014, datë 20.03.2014, nr. 70/2017, datë 27.04.2017), me vendimin nr. 573, datë 18.09.2022, ka vendosur:

– Të caktojë si masë sigurimi pasuror “Sekuestro Preventive”, për pasuritë e shtetasit Klejdi Avdyli dhe të familjarëve të tij.

Për këto arsye në mbështetje të vendimit të mësipërm si dhe të neneve 462,463 të K.Pr.Penale është urdhëruar:

1. Ekzekutimi i menjëhershëm i vendimit penal Nr. 573, datë 18.09.2022 të Gjykatës Shkallës së Parë Durrës për pasuritë e shtetasit K.A dhe familjarëve të tij:
Pasuritë e sekuestruara:

• Garazhd me sipërfaqe 160.91 m2, ndodhur në Durrës, në pronësi të shtetasit I.A;
• Apartament me sipërfaqe 73.68 m2, ndodhur në Durrës, në pronësi të shtetasit I.A;
• Apartament me sipërfaqe 58.36 m2, ndodhur në Durrës, në pronësi të shtetasit I.A;
• Apartament me sipërfaqe 73.68 m2, ndodhur në Durrës, në pronësi të shtetasit I.A;
• Apartament me sipërfaqe 59.61 m2, ndodhur në Durrës, në pronësi të shtetasit I.A;
• Apartament me sipërfaqe 114.5 m2, ndodhur në Tiranë, në pronësi të shtetasit I.A dhe E.A;
• Apartament me sipërfaqe 69.92 m2, ndodhur në Durrës, në pronësi të shtetases E.A;
• Automjet me targa AA__, në pronësi të shtetasit K.A;
• Automjet me targa AA__, në pronësi të shtetasit K.A;
• Motomjet me targa AY__, në pronësi të shtetasit K.A;
• Automjet me targa AA__, në pronësi të shtetases Sh.A;
• Llogarinë në Bankën Kombëtare Tregtare, me valutë në Euro, në emër të shtetasit I.A;
• Llogarinë në Bankën Kombëtare Tregtare, me valutë në Euro, në emër të shtetasit I.N. A.
• Llogarinë në Raiffeisen Bank, me valutë në Euro, në emër të shtetasit I.N. A.

2. Është ngarkuar me ekzekutimin e ketij vendimi, Drejtoria Vendore e Agjensisë Shtetërore të Kadastrave Durrës, Drejtoria Vendore e Agjensisë Shtetërore të Kadastrave Tiranë, Drejtoria Vendore e Policisë Durrës, Banka Kombëtare Tregtare (BKT) dhe banka “Raiffeisen Bank”.

Vijon….