Kim Kardashian ngarkoi një InstaStory më herët të hënën duke dhënë një pamje nga prapaskenat e trajtimit të dytë të stomakut. Ylli i Keeping Up With The Kardashians, 41 vjeç, mori një raund shtesë Morpheus8, i cili fokusohet në shtrëngimin e lëkurës dhe muskujve të stomakut.

Gjatë videos që ajo ndau për 331 milionë fansat dhe ndjekësit e saj, Dr. Ashkan Ghavami nga GPS Aesthetics, shpjegoi disa detaje që përfshinte procedura, ku nëna e katër fëmijëve shtoi: “Duam vetëm të dukemi mirë.” Personaliteti televiziv nuk është i panjohur për trajtimin e gjilpërës Morpheus8, dhe së fundmi kishte bërë procedurën disa muaj më parë në gusht, të cilën ajo e shfaqi edhe në rrjetet e saj sociale.

Në klipin e shkurtër që Kim postoi, ylli mund të shihej duke pushuar në një shtrat ndërsa doktori i saj filloi t’u shpjegonte procedurën fansave të saj. “Mirë djema, unë jam kthyer për trajtimin tim të dytë të stomakut,” u shpreh ajo, duke ngritur shpejt kamerën e telefonit për të treguar një pamje të Dr. Ghavami.

“Pra, ne do t’i nxjerrim të gjitha shtresat në sipërfaqe,” vazhdoi kirurgu plastik, vetëm për t’u ndërprerë me humor nga Kim. “Dëgjo, nuk na intereson”, tha me shaka ylli i reality-t drejt kamerës. “Duam vetëm të dukemi mirë. Çfarëdo që të thotë kjo, ne thjesht duam të dukemi mirë.