Së fundmi është prezantuar biçikleta më e re elektrike, por ajo çfarë e bën të veçantë është fakti që atë mund ta ngasi kushdo kur është në ujë dhe lëvizë me një shpejtësi prej 20 kilometra në orë. Atë mund ta ketë kushdo që është i gatshëm të paguaj 9 mijë dollarë. Bëhet fjalë për Hydrofoiler SLR, që është prodhuar nga një kompania e Zelandës së Re e quajtur Manta5.

E përshkruar si “gjysmë biçikletë, gjysmë aeroplan”, biçikleta Hydrofoiler funksionon në atë mënyrë që ngasësi duhet t’i lëvizë pedalet duke i dhënë shpejtësi kësaj biçiklete. Në momentin që arrihet shpejtësia e kërkuar, kjo biçikletë nxjerr krahët e saj që ngjajnë me ato të aeroplanit që qëndrojnë mbi sipërfaqe të ujit.

Sipas prodhuesit nevojiten vetëm 40 minuta që çdo person të mësojë si ta drejtojë këtë biçikletë, që po konsiderohet si një lloj revolucioni në këtë industri. Mark Robotham, CEO i Manta5, tha:

Ashtu si përmirësimi i aftësive tuaja në një biçikletë tokësore, ai inkurajon të mësuarit dhe përmirësimin.

SL3 është bërë nga fibra karboni dhe alumini i shkallës së avionit, të lehtë për t’u transportuar në ujë pa rimorkio.  Mundësohet nga një motor elektrik 2,500 Watt dhe ka dhjetë nivele të asistencës në dispozicion për të gjeneruar shpejtësi së bashku me fuqinë e pedalit, e cila mund të përfshihet vetëm me shtypjen e një gishti. Ndërsa shpejtësia e saj maksimale është 12.4 milje në orë biçikleta është projektuar për të lundruar me shtatë milje në orë dhe ka një shpejtësi minimale prej katër milje në orë.

Ekzistojnë tre modele të disponueshme; SL3, SL3+ dhe SL3 Pro – ku modeli bazë ka një bateri litium-jon 600 Wh me një kohë karikimi tre orë dhe dy të tjerët kanë bateri 1000 Wh me kohë karikimi pesë orë. Të gjitha modelet kanë një kohë totale udhëtimi prej 4.5 orësh, që projektuesit pretendojnë se është kohëzgjatja më e gjatë e udhëtimit nga çdo produkt elektronik në treg sot.