Kur zgjidhni ngjyrat për kuzhinën tuaj, mund të kërkoni një nuancë që rrit produktivitetin, ndez bisedën dhe plotëson dizajnin e përgjithshëm të shtëpisë tuaj, por gjithashtu duhet t’ju bëjë të ndiheni mirë. Ndërsa ka një interes gjithnjë në rritje për psikologjinë dhe efektin e ngjyrës në psikikën tonë, mirëqenia jonë shpirtërore mbetet një zonë relativisht e paeksploruar, e cila përfshin ngjyrën që sjell fat të keq në kuzhinën tonë.

Përgjigjja, për fat të keq, është grija, një nuancë që ka dominuar trendet e ngjyrave për kuzhinën vitet e fundit. Por çfarë e bën këtë ton kaq të diskutueshëm në botën psikike? Këtu, ekspertët shpjegojnë pse ky ton mund t’ju sjellë fat të keq në dhomën më të ngarkuar në shtëpinë tuaj.

“Grija është ngjyra që nuk do të bëjë askënd të ndihet i sigurt në kuzhinë”, paralajmëron Yulia Winslow, autore dhe astrologe eksperte. Sipas saj, kuzhina është vendi më i keq për të vënë gri, pasi aty bëjmë dhe hamë ushqim. Pra, gjetja e sigurisë në këtë dhomë është thelbësore. “Siguria është një nga funksionet më të rëndësishme të kësaj pjese të shtëpisë. Kështu që unë do të rekomandoja shmangien e grisë në kuzhinë”, shton ai.

Në përgjithësi, ngjyrat si gri, kafe ose e zezë duhet të shmangen në kuzhinë. Sipas ekspertëve, ngjyra kafe mund të tregojë papastërti ose myk. Specialistja është gjithashtu kundër kuzhinave blu pasi përfaqëson hyjninë e ujit dhe në një kuzhinë mbretëron zjarri. Ajo shton se, në disa kultura, njerëzit e shohin të bardhën si një simbol të vdekjes dhe trishtimit. Prandaj, në disa raste, kuzhinat tërësisht të bardha mund të jenë ende një zgjedhje fatkeqe.

“Njerëzit duan të sigurohen që kanë zgjedhur dizajnin e duhur për kuzhinën e tyre, pasi kuzhina shpesh është dhoma më e shtrenjtë në një shtëpi,” thotë ajo. “Ngjyra e gabuar mund të prishë estetikën e kuzhinës dhe ta bëjë të pakëndshme kalimin e kohës atje”.