Aktorja e njohur e “American Horror Story”, Billie Lourd dhe bashkëshorti Austen Rydell, janë bërë prindër për herë të dytë. Lajmin e bukur e ka bërë të ditur babai i saj në Variety’s Dealmakers Breakfast në Beverly Hills të martën.

Vajza ime lindi një vogëlushe mbrëmë. U largova nga spitali në orën 1:30 dhe mbërrita atje sot në mëngjes në 6. Kështu që jam pak i lodhur, por i lumtur.

Billie zbuloi shtatzëninë në shtator, kur ajo ishte e pranishme në premierën e “Ticket to Paradise”. Kujtojmë që çifti janë gjithashtu prindër të djalit 2-vjeçar të quajtur Kingston. Duke folur me PEOPLE në tetor, Lourd diskutoi se sa e ndryshme kishte qenë shtatzënia e saj e dytë nga e para gjatë pandemisë COVID-19.

Nuk shkova askund. Kam thurur një batanije dhe kam parë ‘The Sopranos’, ‘The Wire’ dhe nuk e lashë divanin tim. Ishte një atmosferë shumë e ndryshme.

Këtë herë, Lourd jo vetëm që menaxhonte një fëmijë të vogël, por ajo vazhdoi të punonte gjatë gjithë shtatzënisë. Ajo me shaka e quajti veten “një person psikopat”, teksa reflektonte për aktivitetin e saj të zënë muajt e fundit.

Unë xhirova ‘American Horror Story’ dhe më pas sapo përfundova këtë film tjetër që e xhirova në Londër. Ndonëse mbajtja e një orari kaq të ngjeshur xhirimesh ka qenë e vështirë puna gjatë kohës që mbaja fëmijën ishte një përvojë jashtëzakonisht e veçantë.