Fatkeqësisht ka ndërruar jetë në moshën 55-vjeçare Martin Duffy, i njohur më së shumti për punën e tij me “The Charlatans” dhe “Primal Scream”. Muzikanti i talentuar luajti një rol kyç me të dy grupet, duke u shfaqur në dy albumet e para të “Primal Scream” përpara se të bashkohej me “The Charlatans” në 1996.

Duke konfirmuar vdekjen e Duffyt në një postim në rrjetet sociale, këngëtari kryesor i “The Charlatans”, Tim Burgess, vlerësoi ‘shpirtin e tij të bukur’ dhe për rolin e tij në suksesin e grupit.

Një tjetër humbje tragjike e një shpirti të bukur. Martin Duffy ndërhyri për të shpëtuar Charlatans kur humbëm Robin, ai luajti me ne në Knebworth dhe ishte një mik i vërtetë. Ai bëri turne me mua në grupin tim solo, ishte një kënaqësi të kaloja kohë me të.

Muzikanti i lindur në Birmingham iu bashkua grupit “Felt” në vitin 1985. Më vonë ai iu bashkua “Primal Scream”, duke luajtur fillimisht në dy albumet e para të grupit “Sonic Flower Groove” të 1987-ës dhe albumin e vetë-titulluar të vitit 1989 përpara se të bëhej anëtar me kohë të plotë në fund të vitit.

Pasi anëtari themelues i “The Charlatans”, Rob Collins ndërroi jetë në një aksident me makinë, Duffy iu bashkua grupit në minutën e fundit kur ata mbështetën Oasis në Knebworth dhe ai luajti në “Tellin’ Stories” të vitit 1997. Familja e muzikantit dhe “Primal Scream” nuk kanë komentuar ende për vdekjen e tij, por homazhet kanë ardhur nga fansat pas postimit emocional të Tim Burgess.