Anna Kendrick ishte gati të krijonte një familje me një ish të dashurin “toksik” përpara se të mësonte se ai kishte ndjenja për një grua tjetër. Aktorja 37-vjeçare zbuloi në episodin e së hënës në podcast-in “Armchair Expert” se ajo dhe ish-i i saj i paidentifikuar po planifikonin të bënin një fëmijë në mënyrë laboratorike përpara ndarjes së tyre. Ajo tha:

Unë isha me dikë, ky ishte dikush me të cilin jetoja, për të gjitha qëllimet dhe ishte burri im. Ne kishim embrione bashkë, ky ishte personi im. Dhe më pas, rreth gjashtë vjet më vonë, diku aty përreth asaj kohe, më kujtohet që i thashë vëllait tim, kur gjërat po vështirësoheshin. Unë po jetoj me një të huaj. Nuk e di se çfarë po ndodh.

Aktorja e filmit “Pitch Perfect” tregoi me detaje kohën kur ishi i saj e vizitoi atë në xhirime dhe po sillej super “çuditshëm”, kështu që mori guximin për ta pyetur atë se çfarë nuk shkonte. 37-vjeçarja tregon:

Gjëja më e keqe e mundshme ishte të më thoshtë një emër tjetër dhe unë i thashë, të lutem mos thuaj emrin e një vajze dhe ai filloi të fliste për këtë vajzë.

Ylli i seralit televiziv “Dummy” thotë se fajësoi veten për dështimin e marrëdhënies dhe ishte e bindur se ata do të ndaheshin dhe ai do të largohej, por vetëm donte të kishte edhe një konfirmim nga ana e tij.

Në përpjekje për të shpëtuar marrëdhënien e tyre, dyshja nisën të shkonin në një seancë terapeutike për çifte. Edhe pse kjo nuk i ndihmoi ata si çift, seancat e ndihmuan Kendrick të mësonte të ishte mirë vetëm. Kendrick tha se ajo filloi të shihte për terapistë të shumtë dhe hyri në Al-Anon. Ajo thotë:

Të gjitha këto përfunduan duke qenë gjëra shumë të mrekullueshme për mua në planin afatgjatë, por fillimisht kur u futa atje po mendoja: ‘Më trego si të ndaloj së qeni e çmendur. Më thuaj si të mos ndjej asgjë.