Fatkeqësisht ka ndërruar jetë në moshën 86-vjeçare aktori Quinn Redeker i cili ka luajur në telenovelën “Days Of Our Lives” dhe jo vetëm. Aktori ndërroi jetë më 20 dhjetor në Los Angeles për shkaqe natyrale. Vdekja e të ndjerit u njoftua nga familja e tij. Aktori luajti rolin e Alex Marshall në “Days of Our Lives” nga viti 1979 deri në 1987, një personazh që u dërgua në burg për mashtrim në shfaqje.

Disa nga titujt e tjerë të Redeker përfshinin luajtjen e Rex Sterling në “The Young and the Restless” nga viti 1987 deri në 1994. Para rolit të tij si Sterling, ai luajti shkurtimisht dy personazhe të tjerë në serial. Gjatë gjithë karrierës, artisti fitoi dy nominime për një çmim “Emmy” për ‘aktorin më të mirë dytësor’ në një seri dramatike për rolin e tij si Rex Sterling.

The Y&R Family sends our deepest condolences to the family and loved ones of Quinn Redeker who blessed Y&R with his talents in two memorable roles. pic.twitter.com/EFe7Prf5WX

— Young & The Restless (@YRInsider) January 9, 2023

Quinn ishte gjithashtu një skenarist dhe u nominua për një çmim “Oscar” për filmin klasik të vitit 1978 “The Deer Hunter”, me aktorë Robert De Niro, Christopher Walken dhe Meryl Streep. Puna e tij tjetër filmike përfshinte “The Candidate” të vitit 1972 dhe “The Electric Horseman” të vitit 1979 të dy me aktorin Robert Redford dhe “Ordinary People” të viteve 1980, i cili fitoi katër çmime “Oscar”.

Aktori gjithashtu u shfaq në shumë shfaqje televizive, duke përfshirë: “CSI: Miami”, “Fantasy Island”, “Starsky & Hutch”, “The Bob Newhart Show”, “Ironside”, “That Girl”, “The Six Million Dollar Man”, “Barnaby Jones”, “Adam-12”, “Bonanza” dhe “Sea Hunt”. Redeker ishte i martuar me Suzanne Elizabeth Long nga viti 1958 deri në 1959 dhe më pas u martua me aktoren Patricia Ann Graves nga 1963 deri në 1980.