Pixee Fox është bërë e famshme për transformimet e saj të jashtëzakonshme. 32-vjeçarja ka qenë e varur nga operacionet plastike, por tani ajo ka një mënyrë jetese ndryshe. Pixee Fox lindi në 12 prill 1990 në Suedi, ku kaloi fëmijërinë e saj. Më vonë u transferua në SHBA për të ndjekur ëndrrat, u bë elektriçiste dhe u vendos në Karolinën e Veriut. Jeta e saj ka ndryshuar që nga operacioni i parë plastik.

Gradualisht, zakoni për t’iu drejtuar kirurgjisë plastike për të modifikuar disa pjesë të trupit u kthye në një varësi. Në fillim, ajo donte të kishte një hundë të vogël dhe një bel të hollë si Princesha Ariel, pastaj një të pasme më të rrumbullakosur si Jessica Rabbit. Pixee ka bërë më shumë se 15 operacione, duke përfshirë zmadhimin e gjoksit, rinoplastikën, disa liposuksione, operacion për rindërtimin e nofullës dhe ka hequr jo më pak se gjashtë brinjë.

Në vitin 2019, ajo ra në koma për një javë pas një ndërhyrjeje të gabuar dhe pati nevojë për operacione të tjera që të shërohej. Aktualisht, ajo ka bërë një pushim nga operacionet estetike dhe po ndjek një stil jetese shumë larg atij që tregonte në show-t televizive. Fox jeton në një fermë dhe kalon shumë kohë në natyrë ndërsa ka dhe një pasion të ri, kalërimin.