Vitin e kaluar, sulmet kibernetike ruse u rritën 300% në vendet e NATO-s, krahasuar me 2020-ën dhe me 250% në Ukrainë. Kjo sipas një raporti të Google që konfirmon rëndësinë në rritje të kësaj arme në konflikte. Faqet e hakeruara, lufta e informacionit, sabotimi i infrastrukturave kritike apo spiunazhi, gjithçka kibernetike është përdorur nga palët në luftën në Ukrainë.

Harta botërore e aktorëve, shpesh shumë të shqetësuar për përfitime financiare, po ri-vizatohet nga konflikti ukrainas dhe lëvizjet gjeopolitike që rezultuan prej tij. Për më tepër, e gjithë galaktika kibernetike e Europës Lindore është zhvendosur. Aktorët kërcënues ndryshojnë objektivat për t’u lidhur me interesat gjeopolitike rajonale.

Raporti nga firma e sigurisë kibernetike “Mandiant”, e blerë kohët e fundit  nga Google Cloud për të integruar Grupin e Analizës së Kërcënimeve të gjigantit amerikan (TAG), thekson:

Operacionet kibernetike nga sulmuesit e mbështetur nga qeveria ruse u rritën deri në vitin 2021, përpara pushtimit rus të Ukrainës. Në vitin 2022, Rusia rriti shënjestrimin e përdoruesve në Ukrainë me 250% në krahasim me vitin 2020. Synimi i përdoruesve nga vendet e NATO-s u rrit me më shumë se 300% gjatë së njëjtës periudhë.

Eshtë e qartë se tani kibernetika do të luajë një rol të integruar në konfliktet e armatosura të ardhshme, në mbështetje të formave tradicionale të luftës.

Hakerët pro Moskës kanë përdorur malware shkatërrues për të prishur dhe degraduar aftësitë ushtarake dhe qeveritare të Ukrainës.  Ne kemi vërejtur më shumë sulme kibernetike shkatërruese në Ukrainë gjatë katër muajve të parë të 2022-shit se në tetë vitet e mëparshme.

Lufta ka bërë që sulmuesit e mbështetur nga qeveria kineze të kthejnë interesin e tyre drejt objektivave ukrainas, perëndimor dhe europianë për informacion mbi konfliktin.

Linjat po mjegullohen midis sulmuesve të motivuar nga hyrjet financiare dhe atyre të mbështetur nga qeveritë në Europën Lindore.

Aktorët kërcënues ndryshojnë objektivat për t’u lidhur me interesat gjeopolitike rajonale.