Një trajner personal fitnessi ka shumë dëshirë të duket si aktori The Rock. Antonio Muratore, i cili madje ka të njëjtat tatuazhe si ylli i Hollywoodit, Dwayne Johnson, pretendon se ai ndalet nga fansat në rrugë. Antonio me origjinë nga Milano, Italia, thotë se:

Është një situatë e pabesueshme të dukesh si ai. Në përgjithësi jam një person mjaft privat dhe nuk më pëlqen shumë vëmendja por nuk lodhem kurrë me këtë sepse i bën njerëzit të lumtur. Do të bëja gjithçka për ta takuar një ditë. Ishte rreth 10 vjet më parë kur një mik më tha për herë të parë se dukesha si The Rock. Me kalimin e viteve njerëzit filluan të më ndalnin në rrugë dhe të më kërkonin fotografi kudo që shkoja. Ka qenë në hotel, në restorante, në plazh. Kjo ndodh vazhdimisht. Një herë dikush më ndoqi rrugës për 15 minuta. Ishte pak stresuese. Por normalisht jam gjithmonë i lumtur të bëj një fotografi. Ndihem shumë me fat që i ngjaj.

Antonio, i cili punon me kohë të pjesshme si aktor, ka realizuar deri në 50 tatuazhe në krahë për t’u dukur si aktori i famshëm. Ai shpresonte se kjo do t’i ndikonte më shumë gjasa për të marrë role aktrimi si sozia e The Rock.

Kur jam në plazh dhe njerëzit shohin tatuazhet e mia, të gjithë më ndalojnë dhe duan një fotografi. Unë trajtohem si një personazh i famshëm gjatë gjithë verës.

Ndonjëherë edhe kur zbulojnë se unë nuk jam me të vërtetë ai, ata duan një fotografi gjithsesi.

Antonio pretendon se dikur iu kërkua të luante sozinë e The Rock me një producent të madh filmash të Hollywoodit. Por kjo ëndërr u shkatërrua nga pandemia e COVID-19 dhe tani ai dëshiron ta falënderojë atë që pati një ndikim kaq të madh në jetën e tij.