Këngëtarja e njohur, Eneda Tarifa, dhe basketbollisti Gent Lasku kanë zyrtarizuar lidhjen e tyre me anë të një postimi në rrjetet sociale.

Këngëtarja ka publikuar një foto në krah të sportistit në profilin e saj në “Instagram” teksa shijojnë pushimet së bashku.

Në foto, ata pozojnë të shtrirë në shezlong të përqafuar me njëri-tjetrin. Santorini është destinacioni që çifti ka zgjedhur për të shijuar pushimet e verës.

Eneda Tarifa konfirmon lidhjen me sportistin e njohur, çifti shijon

Në imazhin e publikuar Eneda dhe Gent Lasku duken shumë të dashuruar. Ndërkohë lidhja e dyshes u zbulua muaj më parë, teksa prej disa kohësh e kishin mbajtur të fshehtë larg syrit të publikut.

Por tashmë historia e dashurisë, duket e formalizuar, teksa të dy nuk ngurrojnë që të dalin edhe publikisht së bashku.

Fotot e Enedës ku shfaqej në krahët e basketbollistit Gent Lasku në një lokal duke u përqafuar, bënë xhiron e rrjetit. Në një moment shihet se sportisti e puth edhe në ballë këngëtaren dhe dyshja duken shumë të lumtur krah njëri-tjetrin.