Luizi është padiskutim një nga emrat më të përfolur të momentit. Ai bëri bujë në Big Brother Vip Albania ku edhe u shpall fitues dhe ishte më se e dukshme që ai kishte shumë fansa kudo ku ka shqiptarë.

Veç karakterit të tij, talentit e shumë veçorive të mira që kishte, publiku u lidh gjithashtu edhe me romancën që Luizi kishte me Kiarën. Shumë shpejt çifti u kthye në më popullorin në vend dhe çdo gjest i vogël romantik mes tyre përbën lajm në rrjet. Por çfarë ka ndodhur së fundmi?!

Duket se Luizi e ka takuar Kiarën me familjen e tij të madhe. Para disa orësh, artisti ka publikuar në Instagram njjë foto me Kiarën, nënën e tij dhe shumë familjarë të tjerë. Krahas fotos ai shkruan si më poshtë.

Falenderoj Zotin për bukën, familjen dhe dashurinë mes nesh.

Kujtojmë se pak ditë më parë, pranë redaksisë së TAR, ka mbërritur një video ekskluzive, ku shihen Kiara dhe mamaja e Luizit teksa bëjnë blerje në një dyqan. Ajo video lumturoi shumë prej fansave të çiftit, pasi kjo vërteton edhe një tjetër herë, që Kiara dhe Luizi janë në më të mirën e tyre dhe shoqërohen me familjet e njëri-tjetrit.