Të shkoni për të fjetur duke nuhatur livando, eukalipt ose rozmarinë mund të ndihmojë në rritjen e kujtesës tuaj. Vullnetarët e moshës 60 deri në 85 vjeç, të cilët u ekspozuan ndaj aromave gjatë natës për gjashtë muaj, dolën shumë më mirë në një test memorie. Ata e përmirësuan memorien e tyre me 226 për qind në krahasim me vullnetarët që nuk kishin të njëjtin ekspozim ndaj aromës.

Studimi i vogël i 43 njerëzve, sugjeron se akti i nuhatjes së aromave të këndshme mund të stimulojë trurin në një mënyrë që mbron nga humbja e kujtesës. Lidhja midis kujtesës dhe shqisës së nuhatjes e njohur nga shkencëtarët si shqisa ‘olfaktore’ mund të ndihmojë për të shpjeguar pse njerëzit në fazat e hershme të demencës fillojnë të humbasin aftësinë e tyre për të zbuluar aromat.

Profesor Michael Yassa, një bashkëautor i studimit të aromës, nga Universiteti i Kalifornisë, Irvine, tha:

Shqisa e nuhatjes ka privilegjin e veçantë të jetë i lidhur drejtpërdrejt me qarqet e kujtesës së trurit. Shqisat e tjera drejtohen së pari përmes talamusit. Të gjithë kanë përjetuar se sa të fuqishme janë aromat për të ngjallur kujtime, madje edhe nga shumë kohë më parë.

Vullnetarëve në studim iu dha një difuzer për dhomën e tyre të gjumit dhe 20 nga 43 prej tyre morën vajra esencialë, të cilët kishin erë livando, trëndafili, portokalli, eukalipti, limoni, mente dhe rozmarine. Ata ndezën difuzorin kur shkonin në shtrat dhe një aromë në natë u lëshua në ajër për dy orë ndërsa ranë në gjumë. 23 personat e tjerë, të cilët ishin grupi i kontrollit, ndezën gjithashtu difuzerin kur shkonin në shtrat, por difuzorët e tyre nxirrnin vetëm ujë të distiluar me një aromë minimale dhe të padukshme.

Performanca 226 për qind më e mirë në këtë test u pa në grupin e ekspozuar ndaj aromave në krahasim me grupin e kontrollit. Studiuesit e studimit, të botuar në revistën Frontiers in Neuroscience, thonë se zbulimi transformon lidhjen e njohur prej kohësh midis nuhatjes dhe kujtesës në një teknikë të lehtë për forcimin e kujtesës dhe mbrojtjen potenciale kundër demencës.