Me një njoftim të fundit, Policia Rrugore përditëson mbi akset rrugore me trafik të rënduar në këto momente. Eshtë fjala për rrugë që shtrihen nga veriu e deri në jug të territorit.

Rruga interurbane Harku i Bërdicës-Shkodër, Muriqan-Bërdicë, Shkodër-Velipojë janë me ngarkesë të shtuar.

Po në veri të territorit, rruga interurbane Fushë Milot-Lezhë, Shkodër-Lezhë dhe Lezhë-Shëngjin janë me trafik shumë të rënduar në hyrje e në dalje të Lezhës.

Trafikut shumë të rënduar nuk i ka shpëtuar as rruga interurbane Thumanë-Fushe Krujë, si dhe Fushë Prezë-Fushë Krujë e Tapizë-Fushë Krujë.

Në rrugën interurbane Qafë Kashar-Rinas, si dhe në Vorë-Durrës bie në sy ngarkesë e shtuar trafiku.

Rruga interurbane Durrës-Shkozet, Unaza e qytetit ka ngarkesë të shtuar trafiku.

Autostrada Tiranë-Elbasan është me ngarkese të shtuar nga Shijoni deri në Bradashesh.

Rruga interurbane Vlorë-Orikum ka ngarkesë të shtuar nga Vlora deri në Radhimë.

Në jug, rruga interurbane Sarandë-Ksamil, rezulton me trafik shumë të rënduar, nga Kanali i Çukes deri në brendësi të Ksamilit.