Një 10-vjeçare që vuante nga leuçemia, dëshira e fundit e së cilës ishte të martohej, u celebrua me të dashurin e saj të fëmijërisë disa ditë para se të ndahej nga jeta. Emma Edwards u diagnostikua me leuçemi limfoblastike akute në prill të vitit të kaluar. Fatkeqësisht, Ema ndërroi jetë më 11 korrik.

Ëndrra e vogëlushes ishte të martohej me të dashurin prej dy vitesh, 10-vjeçarin Daniel Marshall Christopher Williams Junior. Familja dhe miqtë vendosën të bashkoheshin për të bërë realitet ëndrrën e Emës dhe u mbajt një ceremoni më 29 qershor, ku 100 të ftuar u shfaqën për t’i parë ata të martoheshin.

Nëna e vogëlushës tha:

Shumica e fëmijëve duan të shkojnë në Disneyland, por Emma donte të martohej, të bëhej grua dhe të kishte tre fëmijë.

Ndërkaq, mësuesja e e tyre tha:

Kur unë dhe nëna e Daniel e morëm vesh këtë, thamë se duhej t’i lejonim të martoheshin. Emma ishte shumë ekstroverte, kështu që e kishte të vështirë të ishte larg të gjithëve. Erdhën mjekët e saj, infermierët, mësuesit, familja, miqtë, të gjithë. Ajo kishte shumë dhimbje kur e veshëm. Por ajo donte t’i pinte ilaçet e dhimbjes sepse nuk donte të binte në gjumë në dasmën e saj. Daniel është njeriu më i ëmbël që do të takoni ndonjëherë. Ai ka një zemër floriri dhe e do vërtet Emën.