Simbol i stinës së verës, arra e kokosit është një frut ekzotik, i pasur me minerale, fibra dhe vitamina, që i bashkon shijes së këndshme një sërë përfitimesh për bukurinë dhe shëndetin. Shmë e eksportuar në botë, arra e kokosit e ka origjinën nga Amerika e Jugut dhe përdoret në shumë ushqime. Kokosi jo vetëm që me anë të lëngut na freskon, por është shumë i shëndetshëm për kockat dhe dhëmbët.

Vaji i kokosit ka veti anti-plakjeje dhe antioksidante, gjithashtu, mbron edhe lëkurën nga radikalet e lira. Megjithatë, një numër i ekspertëve të ushqimeve e rekomandojnë atë për vetitë e tij ketogjenike. Në fakt, disa ekspertë pohojnë se vaji i kokosit nxit procesin e djegies së yndyrës, përmirëson metabolizmin, ul kolesterolin dhe mund të shërojë zorrët. Jo vetëm kaq, ajo është e mbushur me veti anti-virale, anti-fungale dhe anti-bakteriale midis disa përfitimeve të tjera.

Me origjinë nga mishi i arrës së kokosit, vaji i kokosit është një vaj tropikal popullor. Në mënyrë tipike, ju mund të gjeni vaj kokosi të virgjër, si dhe vaj kokosi të përpunuar në dyqane. Dallimi i vetëm midis dy llojeve është se vaji i virgjër i kokosit është më pak i përpunuar se vaji i rafinuar. Gjithashtu, për shkak të përpunimit, vaji i rafinuar i kokosit ka një aromë dhe shije mjaft neutrale, ndërsa versioni i virgjër ka një aromë të ëmbël natyrale. Aroma neutrale e vajit të rafinuar të kokosit e bën më të lehtë për qëllime gatimi pa një aromë të fortë. Në fakt, kjo është ndoshta arsyeja pse vaji i rafinuar i kokosit njihet edhe si “vaji i kokosit për të gjitha qëllimet”.