Nëse jeni prej pak kohësh në një lidhje, por po ju shqetëson fakti që partneri juaj nuk po e bën publike, na lini t’ju themi që nuk jeni të vetmit. Ndër arsyet pse disa burra duan që lidhja e tyre të jetë e fshehtë, është shqetësimi në lidhje me miqtë dhe familjen. Zbuloni më poshtë disa nga arsyet që i çojnë ata në këtë veprim…

Nuk dëshiron që miqtë e përbashkët të dinë ende për këtë

Shumë burra nuk duan të dëgjojnë mendimet e njerëzve të tjerë. Dhe miqtë e përbashkët të çiftit mund të fillojnë të bëjnë shumë pyetje për çështje private që mund të përfundojnë duke i shqetësuar të dy partnerët në lidhje. Mënyra më e mirë për ta trajtuar situatën është të jeni të keni durim dhe të prisni pak përpara se t’i tregoni dikujt për marrëdhënien dhe ta njoftoni atë kur gjërat janë më serioze. Nëse këta njerëz janë miq të vërtetë, ata me siguri do ta miratojnë.

Është i shqetësuar nëse familja do ta miratojë lidhjen

Nëse ai vjen nga një familje tradicionale ose ka prindër që kanë ide shumë specifike se me kë duhet të takohet, ai mund të dëshirojë të presë përpara se t’u tregojë për marrëdhënien. Komunikimi është kyç në këto raste, përpiquni të gjeni mënyrën e duhur për t’iu afruar familjes dhe të kuptoni mendimin e tyre.

Mendon se marrëdhënia është më emocionuese nëse është sekrete

Është e zakonshme që djemtë, veçanërisht nëse janë më të rinj, të mendojnë se misteri do ta bëjë marrëdhënien më emocionuese dhe të nxehtë. Pse jo, mund të jetë një mënyrë për ta shijuar edhe më shumë lidhjen për pak kohë.

Nuk është i sigurt për ndjenjat e tij

Burrat mund të jenë po aq të pasigurt sa gratë, veçanërisht kur bëhet fjalë për ndjenjat dhe marrëdhëniet e reja. Ndoshta ai dëshiron të shohë se ku po shkojnë gjërat përpara se t’ua njoftojë të gjithëve. Koha është thelbësore.

Një vajzë tjetër nga shoqëria ka ndjenja për të

Kjo mund të ndodhë në çdo shoqëri, dikush bie në dashuri me dikë, por emocionet nuk janë reciproke. Kjo është arsyeja pse ai dëshiron ta ruajë ekuilibrin në shoqëri dhe të mos lëndojë askënd. Nëse lidhja është serioze, kur të vijë koha, ai do të jetë i hapur për të gjithë miqtë e tij dhe gjithçka do të jetë mirë.