Fatkeqësisht ka ndërruar jetë në moshën 70-vjeçare modelja e njohur Shelley Smith. Disa ditë më parë e ndjera kishte pësuar një arrest kardiak dhe ishte shtruar në spital. Shelley e filloi karrierën e saj në modeling në vitet 1970 përpara se të hynte në aktrim, duke luajtur përballë Martin Short në serialin “The Associates”.

Në vitet 1990, mes vështirësive të saj për të pasur fëmijë, ajo iu përkushtua ndihmës së çifteve të tjera me probleme të fertilitetit duke themeluar Programin e Donatorëve të Vezëve. Smith lindi në Princeton, New Jersey në vitin 1952 dhe pasi u diplomua në Kolegjin e Connecticut, iu bashkua industrisë së modës në fillim të viteve 1970. Ajo pozoi në një sërë revistash të njohura, duke përfshirë “Vogue” dhe “Mademoiselle” dhe në vitin 1981 u shfaq në kopertinën e “Harper’s Bazaar”.

Në atë moment ajo kishte nisur një karrierë aktrimi në rritje, duke filluar në vitin 1979 me filmin televiziv “Mirror, Mirror”, ku luajti Janet Leigh. Në të njëjtin vit ajo realizoi me sukses shfaqjen e saj “The Associates”, një program televiziv për një grup avokatësh të rinj. Po atë dekadë, Smith fitoi zemrat e publikut në programe të tilla si “Body Language” dhe “Super Password”.

Jeta e saj personale pati shumë drama pasi modelja dhe bashkëshorti i saj i atëhershëm Reid Nathan u përpoqën të kishin një fëmijë. Ata mirëpritën një djalë të quajtur Justin në vitin 1989, por i porsalinduri ndërroi jetë pas tre ditëshe. Më pas në mars 1995, ajo mundi të lindte binjakët e saj Nicholas dhe Miranda pasi kombinoi spermën e vëllait të saj me vezët e një dhuruesi.